Pages

Subscribe Twitter Twitter

Tuesday, December 28, 2010









Windows 7.. Google Chrome.. எது உங்கள் தெரிவு..??



நீங்கள் உங்கள் கணனி உங்கள் வேகத்திற்கு ஈடு கொடுக்கின்றதில்லையே என அடிக்கடி கடுப்பாகின்றீர்களா..?? கற்பனை செய்து பாருங்கள்..
 நீங்கள் உங்கள் மின்னஞ்சலை பார்வையிடுவதற்காக உங்கள் கணனியை இயக்கியவுடன் வழமைபோல் உங்கள் கணனி இயங்குநிலையை அடையும் வரை நீண்ட நேரம் காத்திருக்காமல் சில செக்கன்களிலேயே உங்கள் மின்னஞ்சல் முகவரிக்குச் சென்றுவிட்டால்..நீங்கள் கணனியை வாங்கும்போது இயங்கிய வேகத்திலேயே தொடர்ந்து இயங்கினால்.. நீங்கள் எங்கிருந்தாலும் திடீரென்று தேவைப்படுகையில் நீங்கள் சேகரித்த  தகவல்களை உபயோகிக்கக் கூடியதாயிருந்தால்... உங்கள் கணனி தொலைந்துவிட்டால் உங்கள் தரவுகள் முழுமையாகவே இழக்கப்பட்டுவிடுமே என்னும் பயமில்லாது போய்விட்டால்...புதிதாய் நீங்கள்  வாங்கும் வன்பொருட்களை(digitel camera,Printer,etc.) கணனியுடன் இணைப்பதற்கிடையில் நீண்ட நெடிய படிமுறைகளைத் தாண்ட வேண்டியில்லாமல் கணனியுடன் இனைத்தவுடன் வேகமாகவே உபயோகிக்கக்கூடியதாயிருந்தால்...நீங்கள் குதூகலமாயிருப்பீர்கள் என உணர்கிறீர்களா..??

கவலையை விடுங்கள்..Google உங்களுக்காகவே Chrome OS உடன் தயாராகிவிட்டது.. உங்களுக்குப் பரீச்சயமான Microsoft windows போன்ற ஆனால் புதியதொரு இயங்குதளம்(operating system)..இது பெரும்பான்மையாக இணையத்தை அடிப்படையாகக் கொண்டதொரு இயங்கு தளம்..



Saturday, December 25, 2010









போலி கலாச்சாரக் காவலர்களும் இணையமும்...

பூத்திருக்கும் புத்தாயிரமாம் ஆண்டு..மிலேனியம் என்றெல்லாம் விவாதத் தலைப்புகள் வழங்கப்பட்டது நேற்றுப்போல் இருக்க ..இதோ விடைபெறுகிறது 2010.. தொழிநுட்ப உலகில் பிரதானமாக இணைய உலகு கடந்த தசாப்த காலத்தில் கண்ட மாற்றம் அளப்பரியது.2000ஆம் ஆண்டின் ஆரம்ப காலத்தில் 361 மில்லியன் இணையப் பாவனையாளர்கள் உலகில் இருந்திருக்கிறார்கள்.இந்தத் தொகை ஏறக்குறைய இன்றைய facebook பாவனையாளர்களின் தொகையின் அரைப்பங்கே..ஆனால் இவ் வருட இறுதியில் உலகளாவிய இணையப் பாவனையாளர் தொகை இரண்டு பில்லியனைக் கடந்துவிடும் என எதிர்பார்க்கப்படுகின்றது.

குறிப்பிடத்தக்கவகையில் இந்த தசாப்த காலத்தில் ஆபிரிக்கக் கண்டத்தின் வளர்ச்சி வேகம்(>2000%) பிரமாண்டமானது.அதிலும் குறிப்பாக 2000ஆண்டு காலப்பகுதியில் உலகின் பெருந்தொகையான இணையப் பாவனையாளர்கள் கொண்ட முன்னணி 10 நாடுகளில் இடம்பெற்றிருக்காது 61ஆவது இடத்திலிருந்த ஆபிரிக்க நாடான நைஜீரியா 2010ல் 10ஆவது இடத்தைப் பிடித்துள்ளது தான் இணைய உலகில் ஆபிரிக்காவின் பிரமாண்ட வளர்ச்சிக்கு சான்று பகர்கிறது.


Thursday, December 23, 2010









இலங்கைப் பதிவர் சந்திப்பு என்னில் ஏற்படுத்திய பாதிப்பு..

அண்மையில் இடம்பெற்ற பதிவர் சந்திப்பிற்குச் சென்று வந்ததிலிருந்து பதிவிடுவோமென்று சிந்தித்தாலே பலவாறு சிந்திக்க வேண்டியிருக்கிறது.எங்கள் அண்ணன்மார் தெரிவித்த கலந்துரையாடிய கருத்துக்களை அனுசரித்துத் தான் இனிமேல்  பதிவெழுதுவதாக அன்று முடிவெடுத்திருந்தேன்.


இப்போது தான் பார்த்தேன் பவன் தான்  இரசித்த மொக்கைப் பதிவுகள் - 2010 என்று ஒரு பதிவிட்டிருந்தார்.அதிலே தேடிப்பார்த்தேன் என் பதிவு எதனையும் காணவில்லை.நான் எழுதும்   எல்லாப் பதிவையும் மொக்கைப் பதிவாய்க் கருத்தித்தானே பதிவேற்றுகின்றேன்.ஒன்றுகூடவா  பவனுக்குச் சிக்கவில்லை.கடுப்பாகி பவனுக்கு வெள்ளை வான் அனுப்புவோமாவென்று சிந்திக்கையில்தான் பவனுக்கு இன்னுமொரு சந்தர்ப்பம் வழங்கி அவரது  2011 பதிவுகளிலாவது இடம்பெறுவோமென்று முடிவெடுத்தேன். சின்மஜா.. உன் மொக்கை இராச்சியம் தான் இனியென்று ஒரு மொக்கைப் பதிவு எழுதுவோமென்று பார்த்தால்


Tuesday, December 21, 2010









பெருகும் யாழ்ப்பாணத்தின் பெயரினாலான இணையத் தளங்கள்..

தற்போது யாழ் குடாநாட்டில் இணையப் பாவனை, வீடியோ வசதிகளுடனான தொலைபேசிப் பாவனை என்பன இளைஞர்களிடையே மிக வேகமாக அதிகரித்தவாறுள்ளது.இதற்கேற்றவாறுயாழ்ப்பாணத்தின் பெயரிலோ இல்லை வேறு பெயர்களிலோ யாழ் செய்திகளை வெளியிடும் இணையத் தளங்களும் புற்றீசல்கள் போல அங்கொன்றும் இங்கொன்றுமாக பெருக்கெடுக்க ஆரம்பித்துவிட்டன.

இவை தமது செய்திகளை பல்வேறுபட்ட வாசகர் வட்டத்தைச் சென்றடைய facebook,twitter போன்ற சமூக இணைப்புத் தளங்களையும் உச்ச அளவில் உபயோகப்படுத்த ஆரம்பித்துவிட்டன.இந்த விளம்பர உத்தி சர்வதேச அளவில் ஏற்கனவே பிரபலமானதொன்று தான்.இதுபோன்ற பல உத்திகளை உபயோகித்து  சில இணையத் தளங்கள் தமக்கென கணிசமானதொரு வாசகர் வட்டத்தை ஏற்கனவே திரட்டியும் விட்டன.அத்துடன் இவ்வாறான இணையத் தளங்கள் உலகெங்கும் பரந்து வாழும் யாழ் மீது அக்கறையுள்ள இளைஞர்களின் கவனத்தை மீண்டும் யாழ் நோக்கித் திசை திருப்புவதில் குறிப்பிட்டதொரு பங்கை ஆற்றி வருகின்றன.

இதுபோன்ற இணையத் தளங்கள் பெரும்பாலும் யாழிலுள்ள, யாழ்ப்பாணத்திற்கு வெளியேயுள்ள இளைஞர்களைக் கொண்ட சிறு சிறு குழுக்களாலேயே  நிர்வகிக்கப்படுகின்றன.யாழின் தற்போதைய யதார்த்த கள நிலையை வெளிக்கொணரும் பல செய்திகளை இவ்வாறான இணையத் தளங்கள் அண்மைக்காலமாக முண்டியடித்து வெளியிட்டு வருகின்றன.இங்கே தான் பிரச்சினை ஆரம்பிக்கின்றது.


Friday, December 17, 2010









பதிவர் கிறிக்கெற்.. பிந்திக் கிடைத்த திடுக்கிடும் செய்திகள்

உலகே ஆவலுடன் நீண்ட காலமாக எதிர் பார்த்துக் காத்திருந்த இலங்கைப் பதிவர்களின் மாபெரும் கிறிக்கெற் திருவிழா நாளை இடம்பெறவுள்ள நிலையில் வெள்ளவத்தைப் பகுதியில் சிறு மழைப்பொழிவு ரசிகர்களிடையே சிறு சலனத்தை ஏற்படுத்தியுள்ளது.மழையை நிறுத்தவேண்டி ஆங்காங்கே ரசிகர்கள் மொனப் பிரார்த்தனைகளில் ஈடுபட்டுள்ளதைக் காணக்கூடியதாயுள்ளது.

போட்டி நடைபெறும் மைதானத்திற்கு மழையால் எந்தப் பாதிப்பும் இடம்பெற்றுவிடக்கூடாது என்பதில் கண்ணுங்கருத்துமாக உள்ள ஏற்பாட்டாளர்கள் அதற்கான முன் ஆயத்தங்களை ஏற்கனவே செய்துள்ளதாக அனுதினன் தெரிவித்துள்ளார். மைதானத்தை மூடித் தாழ்ப்பாள் இடுவதற்காக கடும் பிரயர்த்தனத்திலீடுபட்டுள்ளனர் பதிவர்கள் மது மற்றும் ஆதிரை.

இம்மழைத்துளிகள் பட்ட ஆடுகளம் எகிறி எழும் பந்துகளுக்கு சாதகமில்லையெனவும்,சுழல் பந்து வீச்சாளர்களுக்கே சாதாகமாய் நாளை அமையலாம் என பிரபல அனலிஸ்ற் கன்கொன் எங்கள் துடுப்பு இன்போ விற்கு வழங்கிய விசேட செவ்வியில் தெரிவித்துள்ளது குறிப்பிடத் தக்கது.


Tuesday, December 14, 2010









விக்கிலீக்கிற்கு மாற்றுத் தெரிவு..இதுவும் லீக் தான்..

இதுவும் லீக் தான்.. ;)

அண்மைக்காலமாக விக்கிலீக்ஸ் உருவாக்கிவிட்டிருக்கும் பரபரப்பு இன்னும் தணியவில்லை.விக்கிலீக்ஸிற்கும் அதன் நிறுவுனர் Julian Assange ற்கும் ஆதரவாகவும் எதிராகவும் உலகெங்கும் குரல்கள் எழுப்பப்பட்டு வருகின்றன.

வரையறையற்ற இணையம்,கருத்துச் சுதந்திரம், வெளிப்படைத் தன்மை போன்றவற்றின் அடிப்படையில் Wikileaks ற்கும் அதன் நிறுவுனரிற்கும் ஆதரவான குரல்களும் , இதனைத் தொடர்ந்து அனுமத்தித்தால் நாடுகளின் இரகசிய உள்வீட்டுத் தகவல்கள் எல்லாம் வெளிப்படைத் தன்மையின் பெயரால் சென்றடையக் கூடாதவர்களிற்கெல்லாம் சென்றடைந்து தீவிரவாதிகளை ஊக்குவிக்கும்,இறுதியில் நாடுகளிடையில் குழப்பங்களை உருவாக்கி இன்னுமோர் உலக யுத்தத்திற்கு வழிவகுத்துவிடும் Wikileaks ற்கும் நிறுவுனர் Assange ற்கு எதிரான குரல்களும் பரவலாக  எழுந்தவாறுள்ளன.

எது எவ்வாறாயினும் பாலியல் பலாத்காரக் குற்றச்சாட்டைக் காரணம் காட்டியே Julian Assange கைது செய்யப்பட்டிருக்கிறார்.அவர் மீது எவ்வாறான வழக்குகள் எல்லாம் இனித் தொடுக்கப்படும்.அதனை Julian Assange எவ்வாறு எதிர்கொள்ளப்போகின்றார் என்பதைப் பொறுத்திருந்து தான் பார்க்க வேண்டும்.ஆனால் அவரைப் பிணையில் எடுக்கும் நடவடிக்கைக்கு உதவ உலகின் பலபாகங்களில் இருந்தும் சில பெருந்தலைகள் முன்வந்துள்ள போதும் அதுவும் எந்த அளவிற்குச் சாத்தியமானது என்பதும் சந்தேகத்திற்குரியதே .


Friday, December 10, 2010









எண்ணத்தெரிந்தவர்கள் மற்றும் எண்ணத் தெரியாதவர்கள் என உலகத்தில் உள்ளவர்களை மூன்றாக வகைப்பட்டுத்த முடியும்.

உலகவரலாறு வழமைபோன்று தனது பிடிவாதமான பாதையில் சற்றும் தளராமல் மனிதர்களைப் பணயமாக வைத்து போய்க்கொண்டிருக்கிறது. இஸ்லாமின் இறைத்தூதரின்(முகம்மது நபி- Peace be upon him) உருவத்தை காட்டுன்னாக(Cartoon) வரைந்து 'ஒருவிதமானபாராட்டு மற்றும் எதிர்ப்பை பெற்றுக்கொண்ட டென்மார்க் கேலிச்சித்திரஒவியர் தற்போது அவை எல்லாவற்றையும் உள்ளடக்கிய புத்தகம் ஒன்றை வெளியிட உள்ளாராம். ஐக்கிய இராச்சியத்திற்கு விஐயம் மேற்கொண்ட பாப்பாண்டவர் உலகத்தில் மதச்சார்பற்றவர்களின்(Secular) ஆக்கிரமிப்பிற்கு எதிராக ஒன்றுதிரளவேண்டும் எனக்கூறி, "தான் கண்ட நாசிசத்தை" தன் கூற்றுக்கு ஆதாரமாகக் காட்டிஅரியணையிலுள்ளோர் ஆட்சிபுரிவோரிடம் தனது மனக்கவலையை கொட்டித்தீர்த்துள்ளார். இன்றைய யூதர்களுக்கு சமாதானப் பேச்சுவார்த்தைகளில் நம்பிக்கையும் அக்கறையும் இல்லையாம். அமெரிக்கா இருக்கும்போதுஏன் இருக்கவேணும் என திண்ணையில் இருக்கிற நீங்கள் நினைக்கிறது புரியுது எனக்கு.

அது சரி மனிதர்களை பணயமாகவைத்து என்றால் எப்படிஎன்கிற உங்கட கேள்வி நியாயம்தான்.


Wednesday, December 8, 2010









இது Facebook உருவான கதை..

The Social Network.. .
உலகின் மிக இளவயது செல்வந்தர் Facebook நிறுவுனர் Mark Zuckerberg இன் கதை இது..facebook இன் ஆரம்பகாலம் பற்றி மிக சுவாரஷ்யமாகவே பேசுகின்றது..ஆச்சர்யம் என்னவென்றால் நண்பர்களிடையே இணைப்பை உருவாக்குவதையே அடிப்படையாகக் கொண்ட facebook, அதன் உருவாக்கம் மற்றும் பிரமாண்ட வளர்ச்சியின்போது நண்பர்களைப் பிரித்தது தான்..அங்கொன்றும் இங்கொன்றுமாக நான் கேள்விப்பட்டிருந்த Facebookஇன் தோற்றம் பற்றிய கதையை ஒரு வரிசையாக்கி காரணகாரிய தர்க்கங்களை ஊகிக்கக் கூடியவாறானதோர் நிலைக்கு இட்டுச் செல்கின்றது இப்படம்.. தற்செயலான மில்லியனர் என சிலரால் விமர்சிக்கப்படுவார் Mark  Zuckerberg.ஆனால் facebookன் உருவாக்கத்திற்காக அவரின் மிகக் கடுமையான உழைப்பை தெளிவாகக் காட்டுவதில் எந்த இடத்திலும் பின் நிற்கவில்லை இப் படம்..

Erika எனும் பெண் நண்பியுடனான வாக்குவாதமும் அதனால் ஏற்படும் பிரிவுடன் ஆரம்ப்பிக்கிறது படம்..இவ் வாக்குவாதத்தால் கடுப்படையும் Mark , மதுபோதையில் தாறுமாறாக நண்பியை விமர்சித்து blog பதிவு போட்டவாறே, ஒரே இரவில், சக மாணவிகளை எழுந்தமானமாக  இருவர் இருவராக தெரிவுசெய்து "Who looks more hotter in these two?” என தரப்படுத்தும் facemash எனும் வலைத்தளமொன்றை உருவாக்குகின்றார்.இதற்காக பல்கலைக்கழக வலையமைப்பை உடைத்து அங்கிருந்து இரகசியமாக சக மாணவிகளது புகைப்படங்களைப் பெற்றுக்கொள்கிறார்.Mark ன் நண்பர் Eduardo தான் சதுரங்க வீரர்களை தரப்படுத்தும் முறையை சிறிய தயக்கத்தின் பின்னர் இங்கு மாணவிகளை தரப்படுத்த உபயோகிக்க உதவுகின்றார்.இவ்வாறு வலுப்பெறுகிறது Mark,Eduardo நட்பு..


Monday, December 6, 2010









Facebookஇன் புதிய profile..LinkedInற்கு ஆப்பா..??

நேற்றிரவு Facebook புதியதொரு profile view வை அறிமுகப்படுத்தியுள்ளது.இன்று காலை பெரும்பாலான ஆங்கில தொழிநுட்பத் தளங்களில் இது தான் செய்தி.
இப் புதிய  மாற்றத்தின்போது அவர்கள் இரு  விடயங்களை முக்கியமாகக் கவனத்திலெடுத்துள்ளார்கள்.முதலாவது விடயங்களைச் சுவாரஷ்யமான முறையில் காட்சிப்படுத்தல், மற்றையது பயனர்கள் அடிக்கடி உபயோகிக்கும் விடயங்களை முன்னிலைப் படுத்தி எளிதில் அடையச் செய்தல்.இதற்காக profile பக்கத்தை அணுஅணுவாக ஆராய்ந்திருக்கிறார்கள். உதாரணமாக view more photos முன்பெல்லாம் முக்கியத்துவம் குறைந்த பல இணைப்புகளுடன் இருந்தது.அதனை இப்போது சரி செய்து இருக்கிறார்களாம்.

பிரதான மாற்றங்களாக உங்கள் பிறந்தநாள்,தொழிலிடம்,வசிப்பிடம் போன்ற தகவல்களை முன்கொண்டுவந்திருக்கிறார்கள்.அத்துடன் மிக அண்மையில் உங்களின் பெயரிடப்பட்ட புகைப்படங்களினை வரிசையாகக் காட்சிப்படுத்தும் வசதியினை ஏற்படுத்தியிருக்கிறார்கள்.அங்கே நீங்கள் விரும்பாத புகைப்படங்களை மறைக்கும் வசதியினையும் ஏற்படுத்தியிருக்கிறார்களாம்.Tab வசதியினை profile படத்தின் கீழ்கொண்டுவந்திருக்கிறார்கள்.

சுவாராசியமான மாற்றம் info பகுதியில் ஏற்படுத்தப்பட்டுள்ளது.உங்கள் கடந்த கால ,நிகழ்கால தொழில் வழங்குனரின் விபரங்கள்,நீங்கள் முன்பு,தற்போது பணியாற்றிய project விபரங்கள்,உங்களுடன் பணியாற்றியோர் விபரங்கள் என பல புதிய விபரங்களை இணைத்துள்ளார்கள்.இவற்றின்மூலம் உங்கள் face book profile info பக்கம் ஏறக்குறைய ஓர்online resume போன்றதொரு தோற்றப்பாட்டினைக் கொடுக்கும்.இது அண்மைக் காலமாக தொழில்சார் profile உருவாக்குவதை நோக்காகக்கொண்டு துரிதமாக வளர்ந்துவரும் LinkedIn ற்கு ஆப்படிக்கும் முயற்சியாகவே பரவலாகப் பேசப்படுகிறது. ஏனெனில் புதிதாக இங்கு facebook profile info வில் இணைக்கப்பட்ட விடயங்களை linkedIn முதலிலேயே சிறிது மாறுதலான வடிவில் வழங்கிக் கொண்டிருந்தது.எனினும் இவ் ஆப்படிக்கும் முயற்சியில் facebook எந்தளவு வெற்றி பெறுகின்றது என்பதற்கு காலம் தான் பதில் சொல்லவேண்டும். facebookகை ஓர் தொழில்சார் தளமாகவும் பார்க்க எவ்வளவு பேர் முன்வருகின்றார்கள் என்பதில் தான் இது தங்கியுள்ளது.

தற்போதைக்கு இப் புதிய profileஐ நீங்கள் விரும்பினால் உடனடியாக நீங்களாகவே Activate செய்யும் வசதியை வழங்கியிருக்கிறார்கள்.ஆனால் புதிய profileற்கு மாறிய பின்னர் old is gold என்று பழைய profile ற்கு மாற எண்ணுபவர்களுக்கு ஏமாற்றம் தான் மிஞ்சும்.இங்கே சென்று நீங்கள் புதிய profileற்கு மாறிக்கொள்ளலாம்.ஆனால் சிறிது சிறிதாக அவர்களே அடுத்த வருட முற்பகுதியிலே அனைவரையும் இப் புதிய profile க்கு மாற்றிவிடக்கூடும்.
உத்தியோகபூர்வ தகவல் அறிய இங்கே சொடுக்குங்கள்.. ;)


Friday, December 3, 2010









ம்..

வெள்ளாட்டு மந்தைக் கூட்டம்..
அமைதியாய்ச் சிங்கம்..
நாதியற்று நடுத்தெருவில் நரிகள்..

முள்வேலியற்ற முகாம்கள்
மாதிரிக் கிராமங்கள்..
யாருமற்ற சிறைச்சாலை
தொல்பொருட்சாலை..
சமச் சீரான தராசு..
பீரங்கியில் ஊங்சல்..
குதூகலமானதோர் குடும்பம்..

தமிழ் பேசும் கட்சிகளின் கூட்டு..
படுகொலைச் செய்தியேயில்லாத நாளிதள்..
ஆர்ப்பாட்டங்களேயற்ற தலைநகரம்..

தொடர்ந்து அலறும் தொலைபேசி..
கலைக்கப்பட்டது தூக்கம் ..
விழிகளின் ஓரமாய் வடியும்
ஒரு துளி கண்ணீர்..


Monday, November 29, 2010









கித்துல்கல வில் ஓர் மறக்கமுடியாத சாகச சுற்றுலா அனுபவம்....

சாகசத்திற்கு தயாராக நண்பர் குழாம் :D 

எங்கள் யாழ் இந்து 2005 மாணவர்கள் எல்லோரும் ஒன்றுணைந்து கடந்த வருடம் முதல் வருடாந்தம் ஒரு நாள் சுற்றுலாவை ஒழுங்குசெய்து வருகின்றோம்.இம்முறை  கித்துள்கல சென்று White water rafting செய்வதாகத் திட்டமிட்டிருந்தோம். முன்பொருமுறை கேதா அண்ணா ஒழுங்கு செய்த கித்துல்கல சுற்றுலா பற்றிய முன்னாள் பதிவர்  ;) புல்லட்டின் பதிவொன்றை வாசித்ததிலிருந்து நானும் கித்துல்கல செல்வதற்கான வாய்ப்பை எதிர்பார்த்திருந்தேன்.இதற்கமைய குறுகிய கால முன் அறிவித்தலுடன் முப்பத்திரண்டு நண்பர்களைத் திரட்டி நேற்று கித்துல்கல நோக்கிய எமது சாகசப் பயணத்தை ஆற்றியிருந்தோம்.இம் முறை யாழ்ப்பானத்திலிருந்தும் நண்பர்கள் வந்து இணைந்து கொண்டிருந்தார்கள். பழைய பாடசாலைக்கால நினைவுகளைக் கிளறி ஒரே குறும்பும் கும்மாளமுமாக ஏறக்குறைய இரண்டரை மணி நேரப் பயணத்தின் பின்னர் கித்துல்கலவை அடைந்தோம்.

ஆற்றங்கரையில் படகோட்டும் நண்பர்கள் :P
அங்கே ஆறு அண்மைக்கால பெரு மழையாலோ என்னவோ கரைபுரண்டு ஓடிக்கொண்டிருந்தது. எங்களுக்கு முன்னமே சில சுற்றுலாப் பயணிகள் பயணத்தை ஆரம்பித்திருந்தார்கள்.  முதலில் நெறிப்படுத்துனர்கள் துடுப்பு வலிப்பது பற்றியும் அதற்காக அவர்கள் வழங்கும் கட்டளைகளையும் கடைப்பிடிக்கும் நெறிமுறைகளையும் எங்கள் அனைவருக்கும் விளங்கப்படுத்தினார்கள்.


Wednesday, November 24, 2010









Facebookக்கு சரியானதோர் மாற்றுத்தேர்வு..!?

Facebook பாவனையாளர்களின் சொந்த விடயங்களைப் பகிரங்கப்ப்டுத்துகின்றது என்ற விவாதம் உச்சக்கட்டத்தை அடைந்த தறுவாயில் , ”தனது சொந்தத் தகவல்களை சமூகவலைத்தளங்களில் தனது சொந்தக்கணனியிலேயே    பேணுதல் “ என்ற கோசத்துடன்
நான்கு பல்கலை மாணவர்களால் அறிமுகப்படுத்தப்பட்டதே இந்த Diaspora. ஆனால் இதற்குக் கிடைத்த வரவேற்பு ஏதோ நான்கு பொடிப்பசங்களின் சிறுபிள்ளை வேளாண்மை வீடு வந்து சேராது என  கவனிக்காமல் விட்டு விடக் கூடியதாயிருக்கவில்லை.ஏற்கனவே Mark Zuckerberg
இளம் வயதிலேயே Facebook ஊடாக சாதித்திருந்தமையும் ஒரு காரணமாயிருக்களாம். Diaspora வின் ஆரம்ப முன்னெடுப்புகளிற்காக 39 நாட்களில் 10000 அமெரிக்க டொலர்களைத் தன்னார்வத் தொண்டர்களிடமிருந்து இணையமூடாகத்  திரட்டுவடென்ற இலக்கில் களம் இறங்கினார்கள். ஆனால் நடந்ததை அந்த நான்கு இளைஞர்களுமே எதிர்பார்த்திருப்பார்களோ தெரியாது.


Thursday, November 18, 2010









ஈழத்து எழுத்தாவணங்களை எண்ணிமப்படுத்தி ஆவணப்படுத்தும் ஓர் முயற்சி..

இலங்கைத் தமிழ் மக்களின் வாழ்வை ஆவணப்படுத்தும் எந்தவொரு ஆக்கபூர்வமான முயற்சியிலும் அவர்கள் ஈடுபடுவதில்லை என்பது இன்று நேற்றல்ல நீண்டகாலமாகவே பலராலும் முன்வைக்கப்படும் ஓர் குற்றச்சாட்டு.அவ்வாறான் ஒரு சில ஆவணப்படுத்தல் முயற்சிகளும் தீயாலும் வேறும் பல காரணங்கலாலும் நாசமாக்கப்பட்டதே வரலாறு.




ஈழத்து எழுத்தாவனங்களை எண்ணிமப்படுத்தி  ஆவணப்படுத்தி உலகளவிய ரீதியில் அனைவரிற்கும் இணையத்தினூடே கொண்டுசேர்க்கும் ஓர் பெரும் பணியை நூலக நிறுவனம் தனது மின் நூலகத் திட்டத்தின் மூலம் ஆற்றி வருகின்றது.இதில் குறிப்பிடத் தக்க விடயம் யாதெனில் இம் மின்னூலகத் திட்டம் இலாப நோக்கற்ற தன்னார்வ முயற்சியாக உலகெங்குமிருக்கும் தமிழ் பேசும் தன்னார்வத் தொண்டர்களின் ஒத்துழைப்புடன் சிறப்பாக நடாத்தப்பட்டு வருகின்றது.2005 ல் ஆரம்மித்த இப் பணி இன்று ஏறக்குறைய 7000  வரையான நூல்களை எண்ணிம ஆவனங்களாக தன்னகத்தே கொண்டுள்ளது. தொடர்ச்சியாக இப்பணியை அவதானித்து வருபவர்கள் அண்மைக்காலத்தில் நூல்களை எண்ணிமப்படுத்தும் பணி மிகுந்த ஆர்முடுக்கப் பட்ட நிலையில் மேற்கொள்ளப்படுவதைக் காணலம்.

நூலகம்” எண்மிய நூலகத்தில் நூல்கள்,இதழ்கள்,பத்திரிகைகள்,பிரசுரங்கள் என ஆவண வகைகளாகவும்,எழுத்தாளர்கள், பதிப்பாளர்கள்,வெளியீட்டு ஆண்டு மற்றும் நூல்வகை போன்ற பலவாறு பகுப்பாக்கி இலகுவில் தேவையான நூல்களைப் பெற்றுக்கொள்ளத்தக்கவாறு பாகுபடுத்தியிறுக்கிறார்கள்.

ஈழத்து எழுத்தாவனங்களை எண்ணிமப்படுத்தி  ஆவனப்படுத்தும் நூலக நிறுவனத்தின்  இந்த முயற்சிக்குக் கைகொடுத்து உதவவேண்டியது நம் அனைவர் முன்னாலுள்ள வரலாற்றுக் கடமை.. நிறைவேற்றுமா..?


Sunday, October 31, 2010









ஏதோ இருக்கிறோம்..



ஏதோ இருக்கிறோம் என்று கூறிக் கூறியே
நாமும்
ஏதோ இருக்கிறோம்..


ஏதிலியாய் முட்கம்பிவேலிகளிற்டையே
நீங்கள் இருக்கையில் கூட
இங்கே ”ஏதோ இருந்தோம்”..
மரண ஓலங்கள் மனதில் ஒலிக்க..
கொண்டாட்டங்கள் காதிலொலிக்க..
”ஏதோ இருந்தோம்”..

இதோ..
சாவிற்குள் வாழ்ந்து
ஏலவே செத்த நடைப் பிணங்களெல்லாம்..
வாழ்விற்குள் செத்துக் கொண்டிருக்க..
இங்கே..
”ஏதோ இருக்கிறோம்”..

அதோ..
செத்த மாட்டின் மீது..
காகங்கள் கூட்டமாய்க் கூடி..
 இறுதி அஞ்சலி செலுத்தியவாறு..
சாப விமோசனம் கொடுக்கத் தயாராகிவிட்டன..

இதோ..
 நாங்கள்..
'ஏதோ இருந்து கொண்டிருக்கிறோம்"..
நாளையும் "ஏதோ இருப்போம்"..
ஏனென்றால்..
நேற்றுக் கூட இப்படித் தான்
“ஏதோ இருந்தோம்”..


Monday, October 25, 2010









நீங்கள் உபயோகிப்பது office 2007/2003 யா எனும் பிரச்சினைக்கான ஓர் தீர்வு..

நீங்கள் அனுப்பும் கோப்புகள் தங்களால் வாசிக்க முடியாத வடிவில் உள்ளதாக உங்கள் நண்பர்களிடம் அடிக்கடி திட்டு வாங்குகின்றீர்களா..??
உதாரணமாக நீங்கள் MsOffice 2007 பாவனையாளராயிருக்க உங்கள் நண்பர்கள் office 2003 பாவனையாளராயிருந்தால் நீங்கள் .docx formatல் அனுப்பும் word கோப்புகளையோ .pptx format ல் அனுப்பும் கோப்புகளையோ
உங்கள் நண்பர் தனது office 2003 நிறுவப்பட்டுள்ள கணனியில் உபயோகிக்க முடியாது அவதிப்படுவார்.

உங்கள் நண்பர் office2003/ 2007யா உபயோகிக்கிறாரென்று முன்கூட்டியே உங்களுக்குத் தெரிந்திருந்தால் உரிய formatல் அனுப்ப முடியும்.ஆனால் உங்கள் நண்பர் எதனை தனது கணனியில் நிறுவியிருக்கிறாரென்று முன்கூட்டியே அறிந்திருக்க வேண்டிய தேவை இனிமேல் இல்லை.



Sunday, October 24, 2010









YouTube வீடியோவில் நீங்கள் விரும்பும் பகுதியை மட்டும் கத்தரித்து எடுக்க..

நாம் சில சமயங்களில் பார்த்து ரசிக்கும் You Tube கானொளிக் காட்சிகளை
Face Book ,Twitter போன்ற சமூகத் தளங்களில் பகிர்ந்து கொண்டு யாம் பெற்ற இன்பத்தை/துன்பத்தை ;)  மற்றவர்களையும் பெறச் செய்ய வேண்டுமென விரும்புவோம்..ஆனால் சில சமயங்களில் அவ் வீடியோவின் நீளம் பத்து நிமிடங்களை அண்மித்து பலரது பொறுமையைச் சோதித்து விடும்..இன்னும் சில சமயங்களில் அவற்றில் ஒரு சிறு பகுதி மட்டுமே ரசிக்கக் கூடியதாயிருக்கையில் பொறுமையாக முன்னேயுள்ள பகுதி load ஆகும்வரை பொறுமை பேணி எங்சிய பகுதிக் காணொலியைப் பார்க்க வேண்டி ஏற்பட்டு கடுப்பாக்குவதுமுண்டு..இனி மேல் இந்தக் கவலையை விட்டு விடுங்கள். சில இனையத் தளங்கள் You Tube வீடியோவின் ஒரு குறித்த பகுதியை மட்டுமே வெட்டியெடுத்து நாம் உபயோகிக்கக் கூடிய வடிவில் தருகின்றன.அவ்வாறான தளங்களின் இணைய முகவரியை முன்பொருமுறை வழங்கியிருந்தேன்.
 tubechop தளத்தில் எவ்வாறு காணொளியைக் கத்தரிப்பது என்று சற்று விளக்கமாகப் பார்ப்போம்.


Sunday, October 17, 2010









கடவுளிடம் இருக்கும் Decryption Key அல்லது Decryption Keyஐ வைத்திருக்கும் கடவுள்.




நீதியே வெல்லும் .... உண்மையே வெல்லும் .. இப்படியான கதைகளை நம்புவர நீங்கள் ??? பாவம் ... இந்த உலகத்தில் அப்பிடி ஒண்டுமே இல்லை .. எல்லாம் randomness ….
விக்கி பீடியா Randomness இவ்வாறு வரையறுக்கிறது :
Governed by or involving equal chances for each of the actual or hypothetical members of a population; (also) produced or obtained by such a process, and therefore unpredictable in detail."
ஆம் இது தான் உண்மையில் நடக்கிறது .... எல்லா செயற்பாடுகளும் இந்த தியரிக்கு ஒத்துப் போகும் ... இல்லா விட்டால் நாங்கள் சிலவேளை ஒரேமாதிரியான நிகழ்சிகளையே கண்டுகொண்டிருப்போம் ... உலகில் பல பேர் ஒரே மாதிரியே இருப்பார் ... ஆண்களும் பெண்களும் ஓரளவு சம எண்ணிக்கையில் பிறப்பதும் இந்த தியரியால் நிறுவப்பட முடியும் .... அவ்வாறே இங்கு நடக்கும் எல்லா நிகழ்வுகளும் Randomமாகத்தான் நடக்கின்றன ...

Randomnessக்கும் எதிர்வு கூறப்பட முடியாமைக்கும் இடையிலான வித்தியாசம் ..




ஒருவருக்கு ரண்டம் ஆக தெரியும் ஒரு நிகழ்சித் தொடர் இன்னொருவருக்கு ராண்டமாக தெரிய வேண்டிய அவசியமில்லை ...


Wednesday, October 13, 2010









நீங்கள் Net-cafeயில் Facebook உபயோகித்துவிட்டு Logout செய்ய மறந்து விட்டால்..


பொதுக் கணனிகளில் நீங்கள் உங்கள் Facebook கணக்கை உபயோகிக்கின்றீர்களா..? நீங்கள் ஒரு Net Cafe யில் உங்கள் Facebook  கணக்கை உபயோகித்துவிட்டு கணக்கிலிருந்து வெளியேற (Log out )மறந்துவிட்டாலோ அல்லது உங்கள் கடவுச்சொல்லை நினைவில் வைத்திரு Remember me :)  தெரிவை நீக்க மறந்துவிட்டாலோ உங்கள் கணக்கில் புகும் ஒரு விசமியால் நிகழக்கூடிய விபரீதத்தை ஒரு தடவை நினைத்துப் பாருங்கள்...

இன்றுமுதல் நீங்கள் இந்தக் கவலையை விட்டுவிடலாம்.. :)


Saturday, October 9, 2010









காமம் என்னும் செசிக்கு காதல் என்னும் பொடி வேணும் ....


இது லம்போரோகினி செசிஸ்.. சில்லால் மட்டுமே அடையாளம் காணக்கூடிய இரும்பு குவியல்....

இதுக்காகத்தானா கோடிக்கணக்கில் கொட்டிக்கொடுத்தும்டெலிவரிக்காக காத்துக் கிடக்கிறார்கள் ..???
ஏதோ உண்மை தான் ...
ஒருசிலசெக்கன்களில் சில நூறு மைல்களை எட்டிப்பிடிக்கும் வேகம் ... லாவகமாகதிருப்பக்கூடிய சக்கரங்கள் ...
எந்த தரைதோற்றத்திற்கும் தாக்குப் பிடித்து ஓடும்கட்டமைப்பு ... எல்லாம் இந்த செசி
ஸ்ன் வேலை தான் ....
ஆனாலும் ஒரு பொடிதேவை ...
எந்திரன் ரஜினி மாதிரி .. என்ன ஒரு லுக்கு ...
அந்த இரும்பு செசிஸ்க்கு அடிச்ச பொடி தான் இது ... பொடி கட்டாயம் தேவை ... பார்க்க ..ரசிக்க ..ஏன் சுகமாய் ஏறிப் பொய் வர ...
ஒரு பொடி தேவை தான் ...
அடிப்படை நோக்கம் சீறிப் பாயும் எஞ்சின் என்றபோதிலும் அதை செயல்ப்படுத்த அல்லது அனுபவிக்க எமக்கு ஒரு அழகிய வசதியான பார்த்தவுடன் கண்ணைப் பறிக்கும் ஒரு வெளித்தோற்றம் தேவை ...










பதிவர்களே.. நீங்கள் பாவம்..!!

இணையத்தில் உலாவிக் கொண்டிருந்தபோது ” ENTHIRAN ஆங்கில படத்தின் காபியா? “என்ற இந்தப் பதிவு சிக்கியது.. சமீபத்தில் படித்த கருத்து என,,அதிலே பல தமிழ் படங்கள் எந்த ஆங்கிலப் படத்தின் தழுவல் என்றெல்லாம் பிரித்து மேய்ந்திருந்தார்கள்..அப்படியே கீழே படித்துச் செல்கையில் தான் அதிர்ச்சி..திரைப்படங்களில் தழுவல்கள் பற்றிக் கொந்தளிக்கும் அவ் அன்பர்  ஊருக்குத் தான் உபதேசம் தனக்கில்லை என்ற எண்ணத்தோடு போலும்.. YouTube வீடியோக்களை இலகுவில் தரவிறக்க.. என்ற இந்தப் பதிவை அப்படியே எனது  இந்தப் பதிவை  பிரதி செய்து இட்டிருக்கின்றார்..



அண்மையில் இணையத்தில் பெற்ற பல தகவல்களைத் திரட்டி, Google இன் ஆரம்பகாலத் தகவல்கள் அடங்கிய  Google என்றொரு தேடற் பொறி(Search Engine ) புதுசாய் வந்திருக்காம்.. என்றொரு பதிவிட்டிருந்தேன். அதனை இன்னொருவர் அப்படியே வரிக்கு வரி பிரதியிட்டு தனது தளத்தில் இங்கே இட்டிருக்கிறார்...

திருடப்பட்ட மேலும் இரு பதிவுகள் பற்றிய விபரங்களை நண்பரொருவர் பின்னூட்டியிருக்கிறார்.. 
....... 
இப்படி எத்தனை பேர் தான் கிளம்பியிருக்கிறார்களோ..??
இப்போது தான் பதிவிட ஆரம்பித்திருக்கும் எங்கள் பதிவுகளே இப்படி ஆட்டையப் போடப்படுகிறதென்றால்.. நீண்டகாலமாய் பதிவிடும் பல பதிவர்களின் எத்தனை பதிவுகள் இப்படி.....
திருடனாய்ப் பார்த்துத் திருந்தாவிட்டால்....


Wednesday, October 6, 2010









YouTube வீடியோக்களை இலகுவில் தரவிறக்க..


 இப்போதெல்லாம்  ஏதாவதொரு விடயம் சம்பந்தமான வீடியோவைப் பார்வையிடவோ ,பாடல்களைப் பார்த்து ரசிக்கவோ நாமெல்லாம்  YouTube ற்குச் சென்றுவிடுகின்றோம்.அன்றாடம் நீங்கள் YouTube ல்  பல அருமையான வீடியோக்களைப் பார்த்து ரசிப்பீர்கள்.சில சமயங்களில் உங்களுக்கு அவற்றைத் தரவிறக்கி உங்கள் கணனியில் சேமித்து வைத்திருக்கத் தோன்றும்.இதற்காக நீங்கள் எந்த மென்பொருட்களையும் உங்கள் கணனியில் நிறுவியிருக்க வேண்டிய அவசியமில்லை.keepvid என்ற இணையத் தளத்தின் துணையுடன் நீங்கள் இலகுவில் தரவிறக்கிக் கொள்ளளாம்..

http://keepvid.com/

நீங்கள் தரவிறக்க விரும்பும் வீடியோவின் URL ஐ மேலுள்ளவாறான பெட்டியில் வழங்கி Download ஐ அழுத்துங்கள்.
அவர்கள் வெவ்வேறு தரத்(Quality)திலான அவ் வீடியோவைப் பட்டியலிடுவார்கள்.
http://keepvid.com/

அதில் நீங்கள் விரும்பிய தரத்தைச் சுட்டும்  இணைப்பைச் சொடுக்கி அவ் வீடியோவைத் தரவிறக்கி உங்கள் கணனியில் சேமித்துக் கொள்ளளாம்.

YouTube வீடியோவிலிருந்து உபயோகமான பகுதியை மட்டும் கத்தரித்து எடுப்பது சம்பந்தமான பதிவிற்கு இங்கே சொடுக்குங்கள்.. :)


Monday, September 27, 2010









லிப்ட்டும் அவள் லிப்ஸும்..

அன்றொருநாள்..
வழக்கம் போலஒரு காத்திருப்பு..
Lift க்கு முன்னால் ...

1 க்குப் போய் 3 க்குப் போய் G க்குப் போய்..கடைசியாய் வந்தது 4 க்கு ...
What a spark ...!!
வந்தது நீயா.. ?
அன்று ஏதோ விஷேசம் தான் ..
Even though I know u before ..
 Hello!!
உன் லிப்ஸ் திறக்க..
தானாக மூடிக்கொண்டது Lift ...
திருப்பியும் வெயிட் பண்ண வேணும் Lift க்கு ..But இனி
காத்திருப்பு ஒரு சுகம் தான் ..


மீண்டும் ஒரு Lift scene ..
உன் வீட்டு கதவிடுக்கில் நீ ..
Lift ஐ அழுத்திட்டு காத்திருக்கும் நான் ..
இடைநடுவில்
என் கேள்விகளுக்கு
உன் பதில்..
ஒரு உதட்டுச் சுழிப்புத் தான் ...
என் கைகளோ ..
பட்டனை தான் அழுத்திக்கொண்டிருந்தது
..
போய் போய் வந்து கொண்டிருந்தது லிப்ட்,
உன் அம்மா வந்து கூப்பிடும் வரை ..
மனமும் அப்பிடித்தான் ஊசலாடிக்கொண்டிருந்தது,..
யுனி(Uni)யில் ஒரு பாடம் கையில வாங்கும் வரை ...



பின் ஒருநாள்..
வைரமுத்து
எனக்காக எழுதினான்


"உசிரே போகுது ..
.. உதட்டை நீ கொஞ்சம் சுழிக்கயில.."
அந்த நேரம் வந்திருந்தால்
Ringin tone ஆக போட்டு
பீலிங்கை ஏத்தியிருக்கலாம்




இப்போதெல்லாம்..
எனக்கு படிகளே
பிடிக்கின்றன ...
உன் Lips லுள்ள கோபத்துக்கு..
என் கண் பட்ட ஆசைக்கு..
துன்பம் அனுபவிக்கின்றன
என் கால்கள்..
பிள்ளைகள் விடும் தவறுக்கு..
அப்பா அம்மா அனுபவிக்கும் துன்பங்கள் போல..

திறப்பதற்காக மட்டும் காத்திருக்கப்படும்.. Lift..

மூடுவதற்காகவும் காத்திருக்கப் படலாம்.. Lips...


Saturday, September 25, 2010









Google என்றொரு தேடற் பொறி(Search Engine ) புதுசாய் வந்திருக்காம்..


என்ன..?! மொழி படத்தில் M.S பாஷ்கர் மணிரத்தினம், அசாருதீன் பற்றி சொன்னது தான் நினைவிற்கு வருகின்றதா..??


தேடற்பொறிகளின் வல்லரசனாக வலம் வரும் Google ஆரம்பகாலத்தில் எப்படியிருந்திருக்கும் என்று ஓர் உள்ளார்ந்த உந்துகையில் ;) இணையத் தளங்களை மேய்ந்து கொண்டிருந்தபோது சில சுவாரசியமான தகவல்கள் சிக்கின.
1995ல்   Staford பல்கலைக்கழகத்தில் Larry Page மற்றும் Sergey Brin  ஆகியோரின் p.h.d ஆய்வில் ஆரம்பித்து 15 வருட காலத்தினுள் பல துறைகளில் கால் பதித்து அசுர வளர்ச்சி கண்டுவிட்டது.

கீழுள்ள சுட்டிகளைச் சொடுக்கி விபரங்களைப் பார்வையிடுங்கள்.
  • முதன் முதலில் Google இப்படித் தான் இருந்திருக்கின்றது.
  • Google Beta பரிசீலனையின் போது இப்படி இருந்திருக்கின்றது.
  • அப்போதைய Google இன் பாவனையாளர்கள் இவ்வாறெல்லாம் தங்கள் கருத்துக்களைப் பதிவுசெய்திருக்கின்றார்கள்.


Friday, September 24, 2010









எண்ணத்தெரிந்தவர்கள் மற்றும் எண்ணத் தெரியாதவர்கள் என உலகத்தில் உள்ளவர்களை மூன்றாக வகைப்பட்டுத்த முடியும்.


உலகவரலாறு வழமைபோன்று தனது பிடிவாதமான பாதையில் சற்றும் தளராமல் மனிதர்களைப் பணயமாக வைத்து போய்க்கொண்டிருக்கிறது. இஸ்லாமின் இறைத்தூதரின்(முகம்மது நபி- Peace be upon him) உருவத்தை காட்டுன்னாக(Cartoon) வரைந்து 'ஒருவிதமான' பாராட்டு மற்றும் எதிர்ப்பை பெற்றுக்கொண்ட டென்மார்க் கேலிச்சித்திரஒவியர் தற்போது அவை எல்லாவற்றையும் உள்ளடக்கிய புத்தகம் ஒன்றை வெளியிட உள்ளாராம். ஐக்கிய இராச்சியத்திற்கு விஐயம் மேற்கொண்ட பாப்பாண்டவர் உலகத்தில் மதச்சார்பற்றவர்களின்(Secular) ஆக்கிரமிப்பிற்கு எதிராக ஒன்றுதிரளவேண்டும் எனக்கூறி, "தான் கண்ட நாசிசத்தை" தன் கூற்றுக்கு ஆதாரமாகக் காட்டி, அரியணையிலுள்ளோர் ஆட்சிபுரிவோரிடம் தனது மனக்கவலையை கொட்டித்தீர்த்துள்ளார். இன்றைய யூதர்களுக்கு சமாதானப் பேச்சுவார்த்தைகளில் நம்பிக்கையும் அக்கறையும் இல்லையாம். அமெரிக்கா இருக்கும்போது, ஏன் இருக்கவேணும் என திண்ணையில் இருக்கிற நீங்கள் நினைக்கிறது புரியுது எனக்கு.

அது சரி மனிதர்களை பணயமாகவைத்து என்றால் எப்படி? என்கிற உங்கட கேள்வி நியாயம்தான். கேணல் சண்டர்ஸ் (அதுதாங்க KFC கடையிலுள்ள தாத்தா) யாரென்பது இன்றுள்ள அமெரிக்கச் சிறுவர்களுக்குத் தெரியாதாம் ஆனால் KFC என்றால் தெரியாதவர்கள் இல்லையாம். 11 வகையான மூலிகைகளையும் சில வசனைத்திரவியங்களையும் கொண்டு எப்படி வளர்த்த கோழியை "வதைத்து" பின் வறுத்து KFC செய்வது என்பதை வரிக்குவரி ஒரு காகிதத்தில் அதுவும் பென்சிலால கைப்பட எழுதிப்போட்டு, அந்த ஒரேயோரு ககிதத்தையே மூலதனமாகக் கொண்ட நிறுவனம் தான் KFC. இருவருக்குமட்டுமே தெரிந்த இருட்டுச் சுரங்கம் ஒன்றின் அடிவாரத்தில் வைக்கப்பட்டிருகும் காகிதத்தின் துலக்கம் மங்குகிறதாம் என்பது KFCஇன் தற்போதைய கவலை. ஆனால் 60வயதினை கேணல் சாண்டர்ஸ் எட்டும்வரை ஒரு கடைக்காரரும் அவருடைய முறையை எற்றுக்கொள்ளவுமிலையாம், ஏறெடுத்துப் பார்க்கவுமில்லையாம் என்றால் பாருங்களேன். அதேவேளை கலாநிதி ஐயன்ஸ்டைனை எடுத்துக்கொள்ளுங்கள், பெளதீகத் தத்துவஞானி. சார்பியல் கோட்பாட்டினை (சத்தியமாக எனக்கு எதுவும் தெரியாது) இந்த உலகத்துக்கு அறிமுகப்படுத்தினார். வாயைபிளந்த விஞ்ஞானிகள் அவருடைய பிறந்ததினங்களில் எதாவது அதிசயம் நடக்கும் என இன்றும் நம்புகிறார்களாம். ஆனால் "சார்பியல் கோட்பாட்டிற்காக" அவருக்கு நோபல் பரிசு(Nobel Prize) வழங்கப்படவில்லை மாறாக "ஒளி மின் ஆற்றல்(Photovoltaic Effect)" தொடர்பான ஒரு சிறுவிடையத்துக்கு மட்டுமே வழங்கப்பட்டுள்ளது.

இப்படி பலகதைகள்தான் இன்று வரலாற்றை சிருஸ்டித்துக்கொண்டு இருக்கிறது. எனவெ இந்த வரலாற்றை விடுவோம். ஒரு உண்மையான மனிதனுக்கும் அவனுடைய அறிவியல்ஞானத்திற்கும் இடையேயான மென்மையான தொடர்புதான் அவனுடைய உண்மையான வரலாறு என்பது எனது நிலைப்பாடு, அது எற்றுக்கொள்ளப்படுகிறதா அல்லது மற்றப்படுகிறதா என்பது தேவையில்லாதது. யாராவது மேலுள்ள படத்தை விளங்கிக்கோள்ளா முடிகிறதா எனப்பருங்கள். அச்சடிக்கும்கருவியின்(Printer) காபன் தூள்(Toner)தான் அது. படுபயங்கரமான பச்சைவீட்டுவிளைவு ஊக்கி என்பது உங்களுக்குத் தெரியும். காபன் தூளில் என்ன மாற்றம் செய்தார்களோ தெரியவிலை பழைய காபன் தூள்மாதிரி இந்த புதிய காபன் தூள் இல்லையாம் ஆனால் ஒரேவிதாமான நேர்த்தியான அச்சாம்... என்னால நம்பவே முடியல, இந்தக் காபன் தூளின் வரலாற்று மாற்றத்தை. நீங்களும் உங்கட நியாயப்படுகளைச் சொல்லவாறமாதிரித் தெரியுது ஆனாலும் தலைப்பை ஒருதடவை வாசியுங்கோ... அப்ப தெரியும் நான் வரலாற்றின் எந்தப்பக்கம் என்று.